ابطال القصه
هم اعضاء منتدى المحبه والي ماراح
يشوف اسمه في بداية القصه ينتظر البارت الي بعده
ما نبي اي احد فيكم يزعل كل الي تقرأونه اقرأوة على اساس المتعه
والتسليه
نبدء على بركة الله
قبيلة الف مبروووك
قبيله متكاتفه كلهم يخافون على بعض ومتكاتفين مع بعض
جدهم الكبير هو الف مبروك
ظلت هالقبيله تتزاوج وتتكاثر لحد ما وقفوا
عند 8 بنات و6 اولاد
شخصيات القصة
نبدء في الرجاله
ابونايف:شيخ القبيله يهابه كل من حوله من القبائل
السلطان:المساعد الخاص لأبو نايف وذراعه الأيمن ومستشاره
ياسر"ابو عمار":فارس شجاع وكل اهل القبيله يخافون منة
"الفاطمي_دانيال_الرائق_زيزو الشيطوني_اسامه سوسو_عايش وحيد"
هذولا شباب القبيله ومسوين نفسم فرسان وهم من جنبها ومسمين انفسهم(عصابة الصقور القويين)
دايم يوهقون القبيله بحروب وفي النهاية هم يتكفخون والقبيله تتكلف الخساير بس محد فيهم ينقتل مدري ليش!!
الجدعان الملتهب:هذا هو المسئول عن نقل الأخبار للقبيله
عبود: هذا مطرب القبيله علية صوت يجيب المرض بس متحملينة علشان ابوة مدير بلدية القبيله
بروف_ابو عبد الرحمن:تجار القبيله وما يدينون احد وعندهم خدمة توصيل طلبات للخيام واستعداد تام لتقديم خدمات الزواجات والحروب والهوشات
القلم الحر:هذا شاعر القبيله يمدح ابو نايف علشان يعطية فلوس بس ابو نايف ماقد اعطاه
ابن الجسور: هذا صاحب العقل الكبير وقت الشده يرجعون له الناس من ذكاءه وخبرته في الحياة>>قولي ماشاء الله
*******************
نجي الحين نعرفكم على النسوان
ام الفاروق:شيخة القبيله هادية وراكده وكل بنات القبيله ورجالها يحترمونها
ليالي القمر:بنت ام الفاروق عصبية بس قلبها طيب
(ملاك المحبه_بهجة القلوب_ديما_ما احلى الحب_طيبتي اكبر همي_مرووته)
هذولا كلهم بنات ليالي المسكينة جننوا فيها وشيبوا براسها.
(مخاوية الهم_الملكة)
بنات جيرانهم وحيل هاديات ورومانسيات
مخاوية الهم صديقة مرووتة!
والملكة صديقة ملاك المحبه!
لؤلؤة الصحراء:هذي طباخة القبيله عليها طبخ يذبح بس اسعارها غالية وماترضى تعلم احد بنوعية البهارات الي تستعملها في اكلها
المحبه للخير: ماتقعد في خيمتها ولادقيقه بس تتنقل من خيمة لخيمه وتنقل للحريم اخر الأخبار
لفرفوشه:هذي خطابه القبيله بس مع هذا ماقد خطبت لأحد
ونة قلب:دكتورة القبيلة مع ان شهادتها بكالوريوس هندسة بس مع ذلك صارت دكتورة كيف مدري!!!
************
بدأ اليوم طبعا"مع اشراقة الشمس>>احلفي
فتحت ليالي باب الخيمه و
دخلت على بناتها السته
طفت عليهم المكيف وقالت بصوت عالي:
قومو ووجع الوقت تأخر النهار طلع والشمس طلعت وروحي طلعت وانتو باقي نايمين
قومو خلصوني
فتحت ملاك عيونها وقالت:
يمة توني نمت ماقدرت ارقد من هالعلة مرووته كل شوي تتقلب وتطيح من فوق السرير وعاد انا اقوم وارجعها
بها الوقت فتحت مروته عيونها وقالت:
لا والله انتي الي صوت شخيرك وصل لأخر الدنيا قالتلك الدكتوره ونة لازم تشيل اللحمية الي في خشمك انتي الي رفضتي مبسوطه على هالسنفونيات الي تطلع من خشمك
طبعا"وبدأت الهوشة بين ملوك ومروته وبدأ شد الشعر قامت ليالي طلعت وخلتهم ويوم طلعت رجعوا البنات وكملوا نوم وكل وحدة كشتها في فم الثانية من كبرها
************
عند الرجاله
ابونايف يسولف مع السلطان في خيمة الإجتماعات
ابو نايف:اقول يالسلطان ماشاء الله على قبيلة ال طوني امس ارسلي شيخهم ايميل يعزمني فية على عرس ولده ويليام
السلطان:وش رايك يا ابو نايف نصير اكرم منهم ونقولهم ان عرس ولدهم يكون في قاعة قبيلتنا
ابو نايف: اي والله يا السلطان هذا نعم الرأي وين راح يلقون احسن من قاعة الف مبروك
وفجأه يدخل الجدعان على ابو نايف والسلطان والدم يصب من راسة وهو يصرخ ويقول:
الحق يازعيم الف مبروك الحق على العيال
ابو نايف فز من مكانة وقال:
اي عيال تقصد
الجدعان:
عيال القبيله ياطويل العمر تذابحوا مع عيال ال طوني.....
وينادي ابو نايف ابو عمار والسلطان ويركبون على خيولهم وينطلقون الي مكان الهوشة
جيتك على خيل العدا راجي الله
انة يكون الي سمعته كذب في كذب
لكن لو طلع ذاك الحكي صدق والله
حق علي لا العن ابو جدفك
**************
ويوم وصلو لقو عيال ال طوني4 وكلهم قتلوهم اما ال الف مبروك ما احد فيهم انقتل كالعاده طبعا"
ويطالعون ويلاقون الفاطمي فاتح فمة عالأخر وجثه طايحة فوقه الظاهر ذبحها بالغلط
والرايق قاطع راس واحد من الرجال ويلعب فية كورة
ودانيال قاعد يفتش في جيوب الرجال الي قتلهم
عايش وحيد: قاعد يبكي عليهم
اسامة: مهوب جهت الحرب واقف قدام ضب ويقوله وش عندك تخز
زيزو:ماسك جواله وقاعد يصور نفسة وهو قوي
يوم شافهم ابو نايف وهو يصرخ عليهم:
الله يفشل ابليسكم ذبحتم عيال الناس الي وجبونا
رد عايش وهو يشهق من البكاء:
كنا نمزح معاهم ماتوقعنا انهم بيموتون
قال ابو نايف:
لابالله تطعنونهم بالسيف وما تبونهم يموتون
الفاطمي:
عادي هذا انا مطعون وما مت
ويلف الفاطمي الا فية
5طعنات بالسيف و3 اسهم
وقنبله يدوية متفجره جنبه
كل هذا ومامات
السلطان:
انتم وشو كل واحد فيكم مطعون اكثر من طعنة وباقي محد فيكم مات
دانيال:
لاتعطينا عين
في هالوقت طلع عبود وقعد يغني
ناويلك على نية
بس انت اصبر شوية
قام ابو نايف لحقهم بالخيزرانة ورجعهم كلهم القبيلة
**************
ياليتني وسط الخلا وابدوية
ترعى غنمها بين الدفا والبل
معروفة بالصيت حيل اجودية
تفزع لها العربان في حزة الذل
وقت النصايف في رجعتي والعشية
كل القصايد وقتها فيني تهل
مرووتة:اه يامخاوية الهم ذبحتني هالملاك ماخلت في راسي شعره من كثر ماتشد شعري
مخاوية الهم:هذه هي الحياة لاتسير كما نريد
نحن في هذه الدنيا نعيش ليس من اجل السعاده بل من اجل انتظار المكتوب
مرووتة:
والله مدري وش تقولين بس الظاهر من شكلك وانتي تسولفين وتطالعين السما انك صادقه
مخاوية الهم:
انا من يفهمني _انا لا يوجد من يفهمني_انا سحرت عقول من حولي_بفكري بقولي بسلامة لساني وذوقي_ _ _
خخخخخ
تلتفت مخاوية على صوت شخير مرووته وتلقاها نايمة بسابع نومه
تتحسف مخاوية على صديقتها الخبله
**************
ملاك:افف من هالمروته والله لولا انها اختي كان امداني دعستها بالناقة
الملكة:اي ناقة ابوك سمحلك تسوقين نياق؟
ملاك:ايية سمحلي بس قالي بشرط ان امي ماتدري واني انجح في اختبار السواقه والحمد لله نجحت وطلعت لي ناقه
الملكة:طيب الحين الخبر بينتشر اكيد امك راح تدري
ملاك:اهم شي المحبه للخير ماتزورنا لأنها ان زارتنا راح تعلم امي
الملكة: طيب وشلون امك ماقد شافتك وانتي تسوقين لو بالغلط
ملاك_ابوي حطلي خيمة فيها باب اوتوماتيك اوقف فيها ناقتي والخيمه بعيده عن خيمة أهلي
الملكة:بصراحه ياملاك ماكنت متوقعه انكم متحررين لهدرجه تسوقين ناقه مره وحده
وانتشر خبر سواقة ملاك للناقه في خيمة المطوعه الي يدرسون فيها البنات وصار البنات كلهم يتحاشونها لأنها صارت تسوق ناقه موديل2008وصاروا يعايرونها ويقولون ياراعية النياق
**************
عند عصابة الصقور القويين بعد ماخلصوا حرب وبعد ماكفخهم ابو نايف بالخيزرانة
دانيال:
كلها منكم مالت عليكم قلتلكم لاتذبحونهم بس عوروهم لأننا ان عورناهم بيعطوننا التيل
الرايق:
اقول دانيال لايكثر امش خلنروح دكان بروف نشتري بيبسي وبطاطس ليز
الفاطمي:
والله انك فاظي اللحين كل رجال القبيله زعلانين وانت ماهمك غير كرشك
عايش:
اقول شباب مادريتو عن عرس ويليام ولد ال طوني يقولون انة راح يكون بها اليومين
زيزو:
وانت تعرف ويليام؟
عايش:
وشلون ما اعرفه هذا الي كنا نطقة واحنا صغار
اسامة:
وليش كنا نطقه علشان نعرف هو اي واحد
عايش:
كنا نطقه علشان امه ماكانت تلبس برقع
الرايق
اي تذكرته ذاك الأشقر ابو خدود حمر
اسامة:
استغفر الله هذاك الأبيض استغفر الله هذاك الي إذا ضحك وجهة يصير وردي
الرايق:
اي والله استغفر الله حلات الواحد بجرح شاق جبهته وواصل لحواجبه ثوبه مقطوع من عند الركبه جلده مقشر اي كذا الشكل
زيزو:
اقول لاتحشون بس ادعو ان الله يصلحه ويهدية ويعافية ولا يبتلينا
الكل:
ااااامين
بهجة:ملوك وصليني لسوق "ابو عبد الرحمن وبروف"
ابي اشتري اغراض لعرس قبيلة ال طوني
ملاك:انطمي فظحتينا والله ان درت امي لأذبحك وبعدين باقي ماندري إذا بنحضر او لا ابو نايف باقي ماقرر وغير كذا انا مشغوله حدي
ما احلى الحب:مشغولة؟
قولي انك تبين تروحين تفحطين بناقتك في صبخة الملك فهد
ملاك:انطمي انتي
في هالوقت دخلت لؤلؤة الصحراء
ومعها خروف وش كبرة ملاك بس شافتها بلعت العافية وخافت انها تفتن عليها عند امها
راحت وركضت واخذت الخروف من لؤلؤة وما اصرت عليها تدخل علشان ماتنفضح
راحو البنات ونادوا امهم وجدتهم
دخلت ليالي
ويوم شافت الخروف قالت:
وين خالتكم لؤلؤة الصحراء قلطتوها في خيمة الضيوف؟
ملاك:يمة مارظت انها تدخل حاولت فيها وحلفت عليها
تدخل بس انها رفظت
ما امدى ملاك تكمل كذبتها
2008-02-29, 09:32
