لانا مراقبة على منتدى الترفيه والمسابقات
عدد الرسائل : 1713 العمر : 29 تاريخ التسجيل : 16/06/2008
| موضوع: بعض معاني الكلمات الفلسطينية والغزاوية ! 2009-01-20, 11:02 | |
| بعض معاني الكلمات الفلسطينية والغزاوية
مرحبا كيفكم يا اهل المنتدى اليكم معاني كلمات فلسطينية
تطلي = نوع من انواع المربى بنكيت = الرصيف في الشارع. البيارة= المزرعة. شمينت: نوع من انواع اللبن "مفردة من مخلفات العدو الصهيوني" ككسة = كيكة الكوربة = راس الشارع = لفة آخر الشارع
ضاوي = فاقد = ما بفهم اشي
براد = بكرج = إبريق بنقول براد الشاي أو بكرج الشاي
شُشْبَرك = هوة نو طبيخ مرات بتتسمى ودن القط وهي عجين بنحشي لحمة أو كفة مفرومة وبنطبخ مع اللبن ..
بشكير = منشفة اللي بنشف فيها وجهنا على الصبح ... فرشة :: معناتها فراش بس احنا بندلعها فرشة هههههههههه ابطيني :: يعني بياكل اكل ما شاء الله ولا هو داري عن حاله
بابور = زي فرن الغاز بس على صغير واله عين وحدة وبشتغل على الكاز (بابور الكاز)
مخدة = وسادة
زرفيل = قفل الباب اقلط الشارع : اقطع الشارع عشرطعش : يقصد فيها الكثرة من الشئ .. تخت = سرير رمزون = إشارة مرور ضوئية كلنس = محارم سطل = جردل = دلو هواية = مروحة نونة=يعني شوي ونجك حالك=يعني زبط حالك روق يا ضاوي=يعني وحد الله يا مجنون ههههههههههه على بلاطة=يعني من الآخر كوشي=يعني اسود شكشوكه : (اكله ) بندوره وبيض بابوج = شبشب معصلج = مزرجن = مش راضي أو بمعنى آخر راكب راسه..
مقلمة = علبة الأقلام اللي بكون شايلها الطالب تاع المدرسة فورسة = فسحة اللي في نص الحصص في المدرسة كنتين = كافتيريا المدرسة صف = فصل المدرسة الدالية = هي شجرة العنب يقال :::: تعال نقعد تحت الداليه :::بمعني ::: هيا بنا نجلس تحت شجرة العنب. الزغيرة = الزغنونة = صغيرة جمطة =يعنى ما بتنبلع =ما تنزل من زور طشه = يعني فسحة او طلعة علي البر او علي البحر اجنص = " جديد من النايلون " ..
سطل = " جردل " ... الايناء الذي يحتوي الزباله او المياة لشطف البيت
مواسرجي = " السباك " ... الرجل الذي يقوم بتصلح المجاري ...
حنفية = " صنبور " ...
مية متلجة = " مياة مثلجة " ...
ورا الدار = " خلف البيت " ...
قزاز = " زجاج " ...
سيرج = " زيت الذرة او زيت عباد الشمس " ...
سقاطة = " حصالة " ...
قداحة = " ولاعة " ...
بربيج = " خرطوم المياة " ...
لنش = "سفينه صيد اسماك كبير " ...
حسكة = " سفينة صيد صغيرة " ....
شياطة = " الاداة المستخدمة في التزحلق على امواج البحر " ...
زمور = " منبه السيارة " ...
كوربة = " التفاف الشارع " .. تقاطع يعني ...
منقرز = " محتاج الى سيجارة " ...
شخبطة = " خرابيش الجاج " ... شقلب وجهك عني= يعني ما بدي اشوف خلقتك سبهللة = يعني بدون مسؤولية افتح مخك وطقطق دنيك = ركز معي الله لايسيئك تلقحيه = واحد رامي حالو علينا دكانة = سوبر ماركت نتخرف = ندردش مع بعض ام العبد و ابو العبد = اسم فلسطيني قح قُح = عالاخر
فرم الشاب = طحنه = خلاه زي الطحينه (فعصو) فعص في بطن الشاب = خبط في بطنه هلكه جلدة راسه خميله = عبيط او ( بفهمش بسرعه ) بدكاش=ما بدك شاكوش=مطرقة فطبول=كرة قدم.كرة سلة طقية=قبعة شمر = ارفع البنطلون او الجلبية وافكح او اجري قرفان = واحد مش طايق حالو بالمرة. سك عالدم = يعني انسى ومش فايقلك برقان (بضم الباء وتسكين الراء) يعني برتقال بس الواحد بيكون مستعجل بوزك = وجهك زير = الاناء المصنوع من الفخار يوضع في الماء قشاط = اللى بيكون على البنطلون طنجره = بالمصرى حله هاى اللى بيكون فيها الطبيخ اسمها طنجره هلقيت = الان بس احنا النا بعد تانى عن الحياه حبيبى يا حج = حبيبى يا قلق = حبيبى يا لوز = حبيبى يا حوت شقفه = حته قطعه يع = يعنى قرفان من اشى اوعى تتزحلق = يعنى تندب دير بالك فى صابون على البلاط الخوصة : يعني السكين شرشف = ملاية جربان = شراب (عند المصريين) شاف = اللي بيحطو فيه الميّة ليدن = علكة احلقلو = طنشو = ماتعبرهوش ترللي = مهوي = اهبل عجأة عفجأه .. ايتيكيت عالموكيت .. مرتب عالمكتب .. والعدة عالسدة يجاكر = يعاند زبدية: صحن من الفخار لعمل الدقة الغزاوية. ورق دوالي: ورق عنب قمباز = لباس فلسطيني يلبسه الختارية سجرة:شجرة اسكومية :يعني ايس كريم هههههههه الفرشوحه =يعني سندويش الشاورما بالغزاوي القح ريحة : يعني عطر قصافة: يعني مقص أظافر هلأ = الان = هسا = الحين مستهلسكو / يعني مش معبركو مطعوج: من الفعل انطعج والمصدر تاعو انطعاج وهو الشء المعوج فشكة:- بيت الرصاصة الفارغه...والبعض يطلقه على الرصاصه نفسها بعد ما تطلق ازعق عليه: نادي عليه ضلك كاوي: ضلك ماشي على طول (نفس الطريق) يختي: اسلوب نداء للمؤنث يخو: اسلوب نداء للمذكر بعكش = فتش = ابحث = دور جُحْ= غزاوي جُحْ = غزاوي أصيل بسكليت = يعني دراجة
هو لسة ضايل كلمات كتير القاموس الفسطيني ما بخلص انشاء الله عجبوكم
_________________ _____________________________ ****** ان مت يا وطني فقبر في مقابرك الكئيبة أقصى مناي ياريح ،، يا ابرا تخيط لي الشراع : متى أعود الى دياري متى أعود ؟ ********
| |
|
أبو جهاد عضو فعّال
عدد الرسائل : 731 العمر : 30 تاريخ التسجيل : 09/09/2008
| موضوع: رد: بعض معاني الكلمات الفلسطينية والغزاوية ! 2009-01-21, 10:50 | |
| ههههههههههههههههههههههههههههههههههه مشكورة كتير على المعاني أبو جهاد | |
|
فلسطيني لاجئ عضو متألق
عدد الرسائل : 1662 العمر : 34 تاريخ التسجيل : 21/06/2008
| موضوع: رد: بعض معاني الكلمات الفلسطينية والغزاوية ! 2009-01-21, 18:24 | |
| يسلموووووو على الموضوع روعة يسلمووووووو ابو حميد | |
|
h.a.m عضو متألق
عدد الرسائل : 1376 العمر : 29 تاريخ التسجيل : 13/11/2008
| موضوع: رد: بعض معاني الكلمات الفلسطينية والغزاوية ! 2009-01-22, 15:39 | |
| هههههههههه يسلمووووووو شو هالمعاني دمااااااااااار | |
|
ابو قصي المصري مشرف
عدد الرسائل : 514 العمر : 31 تاريخ التسجيل : 11/03/2008
| موضوع: رد: بعض معاني الكلمات الفلسطينية والغزاوية ! 2009-01-22, 16:40 | |
| كهكهكككهكهكهكهكهكهكه شو جبتي من عندك يعني | |
|
بنت المخيم1 مشرفة
عدد الرسائل : 3218 العمر : 29 تاريخ التسجيل : 16/05/2008
| موضوع: رد: بعض معاني الكلمات الفلسطينية والغزاوية ! 2009-01-22, 16:57 | |
| هههههههههههههههههههههه يسلمووووو احلا لنوووش | |
|
Mysterious Girl عضو نشيط
عدد الرسائل : 210 العمر : 30 تاريخ التسجيل : 11/11/2008
| موضوع: رد: بعض معاني الكلمات الفلسطينية والغزاوية ! 2009-01-23, 10:29 | |
| هههه حلويين بس هلا ما بتلائي الناس بيستعملوهم الا الاجداد | |
|
لانا مراقبة على منتدى الترفيه والمسابقات
عدد الرسائل : 1713 العمر : 29 تاريخ التسجيل : 16/06/2008
| موضوع: رد: بعض معاني الكلمات الفلسطينية والغزاوية ! 2009-01-23, 10:33 | |
| يسلمو على مروركم جميعا ما عدا سالم انتا هلا شو دخلك شو جبت اصلا بكفي انز ما في احلا من مواضيعي | |
|